غناوى الدرويش

دلوقت وبس أصبحت خلاص ضمن المطاريد من بحر عيونك والتايهين حسيت إن أنا ( مـــ ) الناس الدون وإن أنتى من ( الناس التانيين ) حسيت إن أنا وعنيكى السود أصبحنا اتنين دلوقت وبس حسيت إن الياسمين كدبة إخترعوها الناس وإن الاحساس أكبر خدعة وإن الحب اللى مابينى وبينك كان بدعة وإن أنا مش ندعة فــ ساقية حواديت الحراس ولا كلمة حب بترمح جوّا خلايا الراس ولا حتّة طوب بتعافر جوا القلب الماس ولا هجرى بكل قوايا الصبح على الترباس وأستناكى ولا هرسم روحك ع الجدران وأنعس وأنا بحلم وياكى ولا هجرى وراكى ف وسط النخل ووسط التوت ولا هفضل أحارب سيف رمشينك بالنبوت وتحاربينى حسيت إن أنا مش عايز أضمك جوايا وإنك مش عايزة تضمينى وإنك سيبتينى أتهجى حروف الصمت هناك وإن أنا مش هعرف أآمن تانى لأى ملاك وإن أنا مش هتشعبط لك تانى على الشباك ولا هستناكى على السلم ولا هقعد أبص ف نن عنيكى وأنا مبلّم ولا هسهر أكلم نفسى وأدخن فى البلكون ولا هتعلم أقلد ( كاظم ) علشان خاطرك وألبس ببيون ولا هرسم صورتك فوق ترابيزة التليفزيون ولا هعمل مجنون وسط الخلق وإن كان الطلق بيئذى الناس حبك بقى عامل زى الطلق دلوقت مانيش عارف أحسك فى الأرض البور ولا...

الساعة 8 ونص الصبح بتوقيت قلبك والدنيا بتبدأ تتّاوب وأنا رافع على ناصية روحك رايتى البيضا ومتبّت فى الدخان الطالل من صدرى بصيت لعيونك واستغربت هى الأحلام ممكن تحلم وتقوم بدرى ؟ واللا الأحلام ممكن تتحس ؟ واللا الأحلام ممكن تضحك لمّا تقول بس ؟ واللا الأحلام ممكن تدخل وياك فى النص ؟ واللا الأحلام ممكن تترصّ شوالى كلام ؟ واللا الأحلام ممكن تزعل على موت صدام ؟ الساعة 8 ونص تمام زى العادة وعيون ولادة بتعزف ناى على حرف السور وأنا داير ألملم فى الأوجاع وبجمّع فى الحلم المبدور والخوف بيسيب آخر بصماته على السكّة وبرغم إن أنا أول فاتح داخل عكّا وبرغم إن أنا أول واحد رسمك ع الحيطة وع الدكة وفى الأرض البور مش عارف لسه أنتى سمايا واللا أنتى الشباك المفتوح لشواشى النور ؟ إنتى التنهيدة اللى ف صدرى واللا التنهيدة اللى بتطلع من صدر الحور ؟ والشمس بتضحك من روحك واللا بتضحك من عب الدور ؟ واللا أنتى الشمس اللى بتضحك من جوّايا ؟ ما أعرفش إنتى الوجع المكبوت واللا الملكوت اللى بيتحرك ويايا ؟ واللا أنتى الآية وأنا التفاصيل ؟ ما أعرفش أنا وطواط م الوطاويط واللا أنا قنديل ؟ واللا أنا تراتيل مش مفهومة ؟ واللا ...

أوعدك وعد المحب المالك الدنيا بايديه وعد من داخل وريـــــــــدى اللى انتى ساكنة وعايشة فيه وعد من قلبى اللى حبـــــــــــك واللى عشتى وحبّتــــــــــــــــيه ان أنا هفضـــــــــــــــل فى قلبك وان أنا هفضل ماليـــــــــــــــه أوعدك إنى هحبـــــــــــــك وأنتى عـــــــــــــارفه ازاى وليه وانى لازم أعيش لحبـــــــــــك وانى لازم اعيش عليـــــــــــــه أوعدك وأنا قلبى عــــــــــارف هـــــــــــــــــوّ حـــابب فيكى ايه وامتى كل النــــــــــــــاس تبيعه وامتى قلبـــــــــــــــك يشتريه أوعدك وعــــــــــــــد المحب المـــــــــالك الدنيا بايديه انهم لو باعــــــــــــــوا قلبى عمرك انتى ما هتبعيــــــــه وانهم لو بعتروه جوّا السكــــك هتلملميه وانهم لو كلهم رفضـــــــــــوه اكيد هتأيديــــــــــــــه أوعدك وعد المحـــــــــــــــــــب المالك الدنيــــــــــــــــا بايديه إن انا ممكن عشــــــــــــــــــانك أرقــّص العالم باليــــــــــــــــــــه

أنت أرنب واللا فخّ عامل ايه والناس بتصرخ والقصايد نازلة رخّ عامل ايه والحلم عاجز والجمال بدأت تنخّ واللى عاش انطخّ بعيار السكات احنا عايشين فى الحقايق واللا عايشين فى التحف والأنتيكات واللا رافضين الثبات فى المهزلة القصة مش قصة قصيدة مسلسلة القصة قصة قنبلة القصة قصة صوت يحل المسألة بقلب الحكيم واللا احنا ضلينا الصراط المستقيم واللا أنت حلّك كان سليم والناس غلط ممكن يكون حلّك سليم رغم العبط فى المعطيات رغم انحطاط الأزمنة رغم الطاعون اللى اتزرع جوّاها من ستين سنة رغم الضحايا المزمنة وصهد القلوب رغم الدروب العتمة و الوجع الدءوب شد الوتر على صدرك العريان وكربج فى الحروب وإن كنت مش قادر على شوال الذنوب جرّب تتوب البيت أكيد ليه رب ورجال مخلصين ومخالى طوب تقدر تتوب وتسيبنا نقرا كتابنا من أوّل حروف الأبجدة ستين سنة بنصرخ طاعون ولا حد بيلبى الندا ستين سنة وسجيل نضب واحنا الطيور المجهدة ستين سنة وعرق الفشل مزروع فى صدر المنتدى ستين سنة وقلب العدا كرباج غبى ستين سنة وأطفالنا بتقول والنبى كان نفسنا نموت فى البيوت ما نموتش بين أنياب كلاب الأجنبى ستين سنة ودم الصبية بيجرى فوق دم الصبى ضمين...

على قهوة قلبك وأنت مربـــّع ايديك وممدد روحك فوق منك وبتهتف (لأه ) بعلو الصوت مالمحتش شجر التوت رافض يحبل بالتوت مالمحتش قطر الموت بيئن ما قامتش فـ راسك فكرة تخلّى عنيها تحن ولا فكرة تخلّى الناس تتجن ؟ ولا فكرة تقلّب كل ضحايا الفن الراقى فـ قاع فنجان ؟ ولا داس جوّا عروقك فنان مشتاق للضىّ على قهوة قلبك وأنت مربـــّع ايديك وممدد روحك فوق منك وعنيك عمــّالة بتتمقق فى بنات الحى ما شربتش ويــّا حبيبتك شى ّ و غنــّيتوا ( لسيد وامام )* ما مسكتش ايدها ما حاولتش تلمس شفايفها بريشة رسام ولا بصـّيت ويـّاها لقدام ع المستقبل ؟ ولا نطـّيت بتمرّد ( فـ ) عنيها تشوف الصبح بيطلع فين ؟ ما عر فتش باب جنتها منين ؟ ما حاولتش تضغط على جسمك وأنت معاها ما حاولتش تسرق من جواها غناوى النور ؟ وملاك الريح عمال بيزيح فى حيطان الدور والجو مهيئ ع الدكة ؟ وعنيك عمالة بتنزف شر والحر ملهلب ع السكة ؟ والناس بتدوّر على فكة ستاشر ساغ على قهوة قلبك وأنت مربع ايديك وممدد روحك فوق منك وركابك عمّالة تخبّط م الخوف والبرد ما قريتش اسمك على كارت نضيف كان واقف يحرس حزمة ورد ؟ ولا فاتت بنت ف ريح منك واخدة الشارع بالطول والع...

لأن الربيع لسّه ساكن ملامحك نويت إنى أسامحك نويت إنى أصالحك وأصارحك بخوفى ياريتك تشوفى البراح اللى فيــّا ياريتك تحسى بملامح طفولتى وتنسى إن قلبى انسخط بندقية وتنسى ان روحك فى كف البلابل وتنسى ان روحى ف أيادى الضحية وتنسى انى لحظة ما شفتك بقلبى نويت انى أغمّض ( وأخاصم عنيا ) نويت إنى أضمك برقة مشاعر لشاعر زهق م الليالى الرديـــّة يا روح الملايكة اللى شالت وحطت ونطت فى هيكل وصارت صبية لمستك وحاسس برعشة ايديا لمستك وحاسس برعشة ايديكى اللى هزت وريدى مانيش عارف اوزن عنيكى اللى تهوس بصوتى الصعيدى مانيش عارف ألمس شفايفك بإيدى وحاسس برغم العرق والمناهدة بإنك لبستى الكيان الحديدى ياريك تعيدى بمشاعرك معايا عشان قلبى يقدر يحس إنه شايفك ولامس حدودك فى كل الزوايا عشان قلبى يقدر يحدد ملامحك فى عب المراية يا حفنة كلام علمتنى الغواية ما حدش يغامر ويعشق بقوة اللا قلبى اللى داير بيهتف ورايا ما حدش يغامر ويعشق بقوة اللا قلبى اللى ساكن كشوف الضحايا يا حفنة كلام علمتنى الغواية رسمتك حكاية رسمتك فى صمتك معالم بداية رسمتك شعار للأمل جوّا راية رسمتك ملاك واتحسب ع الصبايا رسمتك قصيدة لمعانى المحبة وناوى انى...