عزف
ما أعرفش ليه
شايفك تملّى بتجرى عكس الاتجاه ؟
راميه الحياه
ورا ضهرك النازز عرق
وبتمسحى دموعك
بكف النور
وكمّ الانتظار
راميه الحياه
وبترسمى الكعبه
وبتصلى الضحى ف وسط الشوارع
فوق سجاجيد النهار
وبتبدرى الثوار فى أحضان السكك
تطرح شعار
راميه الحياه
وبترسمى الكعبه
وبتصلى الضحى ف وسط الحصار
لما العيار يدّن فى عب المعركه
يا محرّكه الترابيس
وفارده الروح على الآخر
و ملبسانى ملامحك الفاخر
ما أعرفش ليه
مش عارف أتّاخر
وأتوه من بين عنيكى الطيّبين
ولا عارف أقرا على الكلاب
فى الزحمه " عديّة يس "
ولا عارف أهرب من سنين العمر
وأطلع م الكمين اللى اتفرض
راكب بواخر كلمتك
وممشيانى لوحدى ع الطرقات
وبتأدى الغرض منّى
إكمنى
عاشق روحك الميّاله لدروب السكات
هرب الكلام من روحى فى جيوب الحارات
طرح الكلام غنّيوه فى قلوب البنات
وحلفت أحارب بالقصيده
الخوف وصمت الأنتيكات
وحلفت عمرى
ما أتوب مع التايبين وأبات
وحلفت عمرى
ما أصوم مع الصايمين عن الذات الحلال
وإن صمت
ما أفطرش إلا فى وجود "النبى "
وعلى صوت بلال
يا فرحتى وفرحة عيال الغيط
فى أوقات الحصاد
يا راميه عمرك
ناف على أكتاف الولاد
الدنيا حر
وجتتى بتكتب ميلاد الشمس
الدنيا حر
وروحى بتعد الحصى باللمس
الدنيا حر
وقلبى نازل همس فى ميدان الغلط
وبتبتسم
على ضحكة الزلط المعشّق فى التراب
الدنيا حر وجتتك
بتزقّ باب الصمت فى وشوش المدى
الدنيا حر وقلبى
طيره بتجرى من عند الحسين للسيده
يا قلبك المفتوح لناسك منتدى
ولحظة صمود
يا قصيدة الحلم اللى فى عيون الوجود
يا غنوه
فى صفوف الجنود ع المفترق
يا وش ّ
مغسول بالعرق خلف القزاز
ما أعرفش ليه
شايفك تملّى بتجرى عكس الاتجاه
والموجه تحت رجولك الحافيين
مراكب إردواز
والدنيا نزّاز خوف وكرباج أسئله
والكلمه فرحه مسلسله بالموت
وعنيكى جوز شبابيك على الملكوت
والليل قصايد عنكبوت أهوج
أنا بحضنك فى قصايد التايهين
وأنا بحضنك
شفت الطريق أعوج
وأنا بحضنك
شفت الطريق توّاه
ومشيت معاكى
أهتف لخلق الله ولديابة الجبال المبهمه
هو النفر ممكن يموت م العولمه ؟
واللا النفر ممكن يموت م الدمدمه ؟
واللا النفر ممكن يموت
م التهتهه والتمتمه ؟
واللا النفر ممكن يموت
م الهوهوه والهمهمه ؟
واللا النفر ممكن يموت
م الخصخصه والعمعمه ؟
أنا ماشى بهتف ع السكك
وياكى من غير اختيار أو مرغمه
عميان بنهتف للعمى
أنا ماشى بعزف ع السكك
وياكى لحن الملحمه لقلب العيال
أنا ماشى بعزف
وإنتى بتغنى لى غنّيوة الكنال
أنا وإنتى
بنزيح المحال من ع السكك
أنا وإنتى قاعدين ع الدكك
قاعدين بنرسم
وردتين
وشعاع
وأرغول انتظار
قاعدين بنرسم
واد وبنت
وضحكتين
وشراع
وساعة حيط
وغيط
ووطن ودار
أنا وإنتى ماشيين من زمان
رغم إننا
لسانا قاعدين نبتسم
للخوف ولكلاب الدمار
شايفك تملّى بتجرى عكس الاتجاه ؟
راميه الحياه
ورا ضهرك النازز عرق
وبتمسحى دموعك
بكف النور
وكمّ الانتظار
راميه الحياه
وبترسمى الكعبه
وبتصلى الضحى ف وسط الشوارع
فوق سجاجيد النهار
وبتبدرى الثوار فى أحضان السكك
تطرح شعار
راميه الحياه
وبترسمى الكعبه
وبتصلى الضحى ف وسط الحصار
لما العيار يدّن فى عب المعركه
يا محرّكه الترابيس
وفارده الروح على الآخر
و ملبسانى ملامحك الفاخر
ما أعرفش ليه
مش عارف أتّاخر
وأتوه من بين عنيكى الطيّبين
ولا عارف أقرا على الكلاب
فى الزحمه " عديّة يس "
ولا عارف أهرب من سنين العمر
وأطلع م الكمين اللى اتفرض
راكب بواخر كلمتك
وممشيانى لوحدى ع الطرقات
وبتأدى الغرض منّى
إكمنى
عاشق روحك الميّاله لدروب السكات
هرب الكلام من روحى فى جيوب الحارات
طرح الكلام غنّيوه فى قلوب البنات
وحلفت أحارب بالقصيده
الخوف وصمت الأنتيكات
وحلفت عمرى
ما أتوب مع التايبين وأبات
وحلفت عمرى
ما أصوم مع الصايمين عن الذات الحلال
وإن صمت
ما أفطرش إلا فى وجود "النبى "
وعلى صوت بلال
يا فرحتى وفرحة عيال الغيط
فى أوقات الحصاد
يا راميه عمرك
ناف على أكتاف الولاد
الدنيا حر
وجتتى بتكتب ميلاد الشمس
الدنيا حر
وروحى بتعد الحصى باللمس
الدنيا حر
وقلبى نازل همس فى ميدان الغلط
وبتبتسم
على ضحكة الزلط المعشّق فى التراب
الدنيا حر وجتتك
بتزقّ باب الصمت فى وشوش المدى
الدنيا حر وقلبى
طيره بتجرى من عند الحسين للسيده
يا قلبك المفتوح لناسك منتدى
ولحظة صمود
يا قصيدة الحلم اللى فى عيون الوجود
يا غنوه
فى صفوف الجنود ع المفترق
يا وش ّ
مغسول بالعرق خلف القزاز
ما أعرفش ليه
شايفك تملّى بتجرى عكس الاتجاه
والموجه تحت رجولك الحافيين
مراكب إردواز
والدنيا نزّاز خوف وكرباج أسئله
والكلمه فرحه مسلسله بالموت
وعنيكى جوز شبابيك على الملكوت
والليل قصايد عنكبوت أهوج
أنا بحضنك فى قصايد التايهين
وأنا بحضنك
شفت الطريق أعوج
وأنا بحضنك
شفت الطريق توّاه
ومشيت معاكى
أهتف لخلق الله ولديابة الجبال المبهمه
هو النفر ممكن يموت م العولمه ؟
واللا النفر ممكن يموت م الدمدمه ؟
واللا النفر ممكن يموت
م التهتهه والتمتمه ؟
واللا النفر ممكن يموت
م الهوهوه والهمهمه ؟
واللا النفر ممكن يموت
م الخصخصه والعمعمه ؟
أنا ماشى بهتف ع السكك
وياكى من غير اختيار أو مرغمه
عميان بنهتف للعمى
أنا ماشى بعزف ع السكك
وياكى لحن الملحمه لقلب العيال
أنا ماشى بعزف
وإنتى بتغنى لى غنّيوة الكنال
أنا وإنتى
بنزيح المحال من ع السكك
أنا وإنتى قاعدين ع الدكك
قاعدين بنرسم
وردتين
وشعاع
وأرغول انتظار
قاعدين بنرسم
واد وبنت
وضحكتين
وشراع
وساعة حيط
وغيط
ووطن ودار
أنا وإنتى ماشيين من زمان
رغم إننا
لسانا قاعدين نبتسم
للخوف ولكلاب الدمار
تعليقات
عيني نزت دمع وبكا ... اااااااالله عليك يا سعيد .. وألف مبروك المركز الأول .. كل زمايلي هنا فرحانين بيك جدا .. ((((محمد سلطان))))